هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

چۆنییه‌تی كاركردنی هێزه‌ ئۆپۆزسیۆنه‌ كوردییه‌كان له‌ سه‌ر پێشێلكارییه‌كانی هه‌رێم له‌ به‌غداد و به‌ستنه‌وه‌ی كێشه‌ سیاسییه‌كانی هه‌رێمی كوردستان به‌ پێكهێنانی كابینه‌ی نوێی حكومه‌تی عیراق، بابه‌تی گفتوگۆ له‌سركراوی ته‌وه‌ری یه‌كه‌می به‌رنامه‌ی "هێڵی سێیه‌م" بوو، كه‌ تیایدا به‌ میوانداری سه‌ركه‌وت شه‌مسه‌دین ئه‌ندامی ئه‌نجوومه‌نی نوێنه‌رانی عیراق له‌ فراكسیۆنی نه‌وه‌ی نوێ تاووتوێ كرا. له‌ ته‌وه‌ری دووه‌می "هێڵی سێیه‌م" له‌گه‌ڵ دكتۆر چۆمان هه‌ردی نووسه‌ر و لێكۆڵه‌ر و مامۆستای زانكۆی ئه‌مریكی له‌ سلێمانی، تاوتوێی رۆڵی زانكۆكان له‌ گۆڕینی به‌ها و نه‌ریتی نامرۆڤانه‌ی كۆمه‌ڵایه‌تی له‌ به‌رانبه‌ر ژن كرا و تیایدا پێگه‌ی دامه‌زراوه‌كانی حكومه‌ت له‌ به‌ره‌نگاربوونه‌وه‌ی توندوتیژی، چۆنییه‌تی دروستكردنی متمانه‌ له‌ نێوان قوربانیان و داموده‌زگاكان خرایه‌ڕو.