هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌به‌شی یه‌كه‌می به‌رنامه‌ی "هێڵی سێیه‌م"دا گفتوگۆكرا له‌باره‌ی شوناسی سیسته‌می سیاسی هه‌رێمی كوردستان و جێگیربوونی فۆڕمی حوكمڕانی و ئه‌نجامه‌كانی، كه‌ تاووتوێ كرا به‌ میوانداری د.ئاریان محه‌مه‌د مامۆستای زانكۆ له‌ كۆلیژی یاسا و رامیاری و خاوه‌ن بڕوانامه‌ی دكتۆرا له‌ زانكۆی ئه‌نگلیا ره‌سكین له‌ كامبریج به‌ناونیشانی "فه‌رمانڕه‌وایی له‌ هه‌رێمی كوردستان: ئه‌گه‌ر و ئاڵنگارییه‌كانی گواستنه‌وه‌ی دیموكراسی". له‌به‌شی دووه‌می به‌رنامه‌كه‌دا به‌ میوانداری د.كامه‌ران مه‌نتك نوسه‌ر و لێكۆڵه‌ر و مامۆستای زانسته‌ سیاسییه‌كان، گفتوگۆكرا له‌باره‌ی پێگه‌ی هه‌رێمی كوردستان له‌ ململانێ هه‌رێمی و نێوده‌وڵه‌تییه‌كان و به‌كارهێنانی كورد وه‌ك ئامراز له‌ پرۆژه‌ نێوده‌وڵه‌تییه‌كاندا.

شەپۆلەکانی نەوا

Copyright © 2017 - Radio Nawa. Designed and Developed by Avesta Group