نەوا-
بەڕێوەبەرایەتی كەشناسی و بومەلەرزەزانی هەرێم كەشی پێشبینیكراوی 48 كاتژمێری داهاتو بڵاودەكاتەوە.
كەشناسی بڵاویكردۆتەوە، رۆژی پێنجشەممە 18-4 ئاسمان ساماڵ دەبێت و خێرای با لەسەرخۆو مام ناوەند دەبێت لە نێوان 10-20 كیلۆمەتر لە كاتژمێرێكدا، هەروەها پلەكانی گەرما نزیك دەبێتەوە بەراورد بە تۆماركراوەكانی دوێنێ 17-4 و ئاراستەی با لە باكوری خۆرئاواوە دەبێت.
ئاماژە بۆ ئەوەشكراوە، سەبارەت بە كەشوهەوای رۆژی هەینی 19-4 ئاسمان ساماڵ و پەڵە هەور دەبێت و پلەكانی گەرما كەمێك بەرز دەبێتەوە بەراورد بە تۆماركراوەكانی ئەمڕۆ.