هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌به‌شی یه‌كه‌می به‌رنامه‌ی (هێڵی سێیه‌م) به‌ میوانداری هه‌ر یه‌ك له‌ سمكۆ عه‌بدولكه‌ریم سكرتێری لقی هه‌ولێری سه‌ندیكای رۆژنامه‌نووسانی كوردستان، ئامانج وه‌رتی رۆژنامه‌نووس، كامیل عومه‌ر مامۆستای به‌شی راگه‌یاندن له‌ زانكۆی سلێمانی گفتوگۆ له‌باره‌ی كاریگه‌رییه‌كانی جێبه‌جێنه‌كردنی یاسای كاری رۆژنامه‌گه‌ری و یاسای ده‌ستخستنی زانیاری كرا له‌سه‌ر ژینگه‌ی كاری رۆژنامه‌وانی و به‌رته‌سككردنه‌وه‌ی ئازادی راده‌بڕین. له‌ به‌شی دووه‌می به‌رنامه‌كه‌ به‌ میوانداری ئه‌بوبه‌كر هه‌ڵه‌دنی ئه‌ندامی په‌رله‌مانی كوردستان، تاوتوێی هه‌نگاوه‌كانی ئه‌نجامدانی چاكسازی له‌ په‌رله‌مانی كوردستان و حكومه‌ت كرا.

شەپۆلەکانی نەوا

Copyright © 2017 - Radio Nawa. Designed and Developed by Avesta Group