نەوا
تەقینەوەیەك لە كابولی پایتەختی ئەفغانستان زیاتر لە 50 كەسی كردە قوربانی، تاڵیبانیش بەرپرسیارێتیی تەقینەوەكەی گرتەئەستۆ.
ئەمڕۆ تەقینەوەیەكی بەهێز كابولی پایتەختی ئەفغانستانی هەژاند، كە كۆبونەوەیەكی جەماوەریی لایەنگرانی ئەشرەف غەنی سەرۆكی ئەو وڵاتەی كردبووە ئامانج، بەهۆیەوە 24 كەس كوژران و زیاتر لە 30 كەسیش برینداربون.
بەپێی سەرچاوەكانی هەواڵ، ئەشرەف غەنی سەرۆكی ئەفغانستان لە تەقینەوەكەدا هیچ زیانێكی گیانیی بەرنەكەوتوە. دواتر بزوتنەوەی تاڵیبان بەرپرسیارێتیی تەقینەوەكەی گرتەئەستۆ.
تەقینەوەكەی ئەمڕۆی كابول دوای ئەوە دێت، كە لەماوەی رابردودا هەریەك لە ئەمریكا و ئەفغانستان گفتوگۆكانی ئاشتییان لەگەڵ بزوتنەوەی تاڵیبان راگرت، بەهۆی ئەوەی بزوتنەوەكە بەردەوام بوو لە ئەنجامدانی تەقینەوە و هێرشەكانی.