ئێمەش پێمان خۆشە دەستخۆشیتان لێبكەین
لەقێزەوەنترین هەڵسوكەوتەكانی
كۆمەڵگە، فریودان و هەڵخەلەَتاندنی مرۆڤەكانە، چ نێر یان مێ لەرێگای ئارەزوە سێكسیەكانیەوە.
ئەم هەنگاوە وەكو كارێكی
بازرگانی لێهاتوە و لەرێگای تۆڕە كۆمەڵایەتیەكانەوە ژنان و كچان و كوڕان و پیاون هەڵدەخەڵەتێنین
و فریویان دەدەن بەكاری سێكس و ڤیدیۆ و وێنەی نەشیاوە و دواتر هەڕشەی بڵاوكردنەوەیان
دەكەن ئەگەر بێت و بڕێك پارە نەدەن.
من كارم بە لایەنە ئایینیەكەوە
نیە و ئەوە بۆ پیاوانی ئایینی بەجێدەهێڵم، بەڵام لەروی پێكهاتەی لەشی مرۆڤەوە، هەمومان
پێویستم بە سێكس و چێژ وەرگرتن هەیە، ئەمە سروشتی مرۆڤە و ئەمە ئازادیەكی تاكەكەسیە
كە چۆن بتەوێت ئەو حەز و ئارەزوەت بە جێبهێنیت بەراستەوخۆ، لەرێگای تۆڕەكۆمەڵایەتیەكانەوە
و هتد.
قۆستنەوەی ئەم ئارەزوە
لەلایەن هەندێك كەسی لەیاسا دەرچو كارێكی دژ بە مرۆڤایەتی و بنەماكانی مافی مرۆڤە و
دەچێتە خانەی تاوانە قێزەوەنەكان.
ماوەیەكی زۆرە دەبینم و
دەبیستم خۆشبەختانە لەهەرێمی كوردستان ئەو كەسانە دەستگیردەكەن كە ئارەزوی خۆشەویستی
و سێكسی مرۆڤەكانی دیكە دەقۆزنەوە و هەڕەشەی بڵاوكردنەوەی گرتەی ڤیدۆیی و وێنەكانیان
لێدەكەن ئەگەر بێتو بڕێك پارە نەدەن، كە دواهەمینیان گەنجێك بوو لەدهۆك و بەڕێوەبەرایەتی
پۆلیسی پارێزگای دهۆك، دانپێدانانی كوڕێكی تەمەن 21 ساڵانی بڵاوكردەوە كە لەرێگەی ئینستاگرامەوە
كچان و ژنانی هەڵخەڵەتاندوە و پاشانیش هەڕەشەی بڵاوكردنەوەی وێنە و ڤیدیۆی لێكردون.
هێمن سلێمان وتەبێژی پۆلیسی
پارێزگای دهۆك رایگەیاند، تۆمەتبارێكیان دەستگیركردوە كە تەمەنی 21 ساڵە و سەرەڕای
ئەوەی مۆبایلێكی لە هاوڕێیەكی خۆی دزیوە، چەند پەیجێكی بەناوی جیاواز و بەناوی چەند
هۆزێكەوە لە تۆڕی كۆمەڵایەتی ئینستاگرام دروستكردوە، لەگەڵ ژنان و كچان قسەی كردوە
و چەندین ڤیدیۆ و وێنەی لێوەرگرتون.
ئەم هەنگاوانە جێگای دەستخۆشیە
و هیوادارم سزای توند بەسەر ئەو كەسانە بسەپێندرێت كە ئازادی تاكە كەسەكان لەكەدار
دەكەن و رێگە نادەن خەڵك بە ئازادی بژین!
باشتر وایە ئەم جۆرە ئەركانەی
پۆلیس و ئاسایش فراوانتربكرێن و تەنانەت رێگە لەو كردەوە قێزەوانانەش بگرن و ئەو كەسانە
بە سزابگەیەنن كە گێچەڵ بە كچان و ئافرەتان دەكەن یاخود بەزۆر دەستدرێژی سێكسیان دەكەن
سەر، بەهەمان شێوە بە یەكێك لە تاوانە قێزەوەنەكان لەقەڵمبدرێت و بكەرەانی سزای توندبدرێن!
نا بۆ دەستدرێژیكردن بۆ
سەر ئازادی تاكە كەسەكان و بەڵێ بۆ ژیانكردن بەئازادی و پەیوەستبون بەیاساكان و بە
یاسای مرۆڤایەتیەوە!
شەپۆلەکانی نەوا