نەوا-ئارام حسێن-دهۆك  
ئێڤاریا ئێك شەمبی 2-12-2018 لژنەیا موالیدەیان ل پارێزگەها دهوك ب سەرپەرشتیا پارێزگەرێ دهوكێ كومبونەك دئەنجامدا و گورانكاری د بەرنامەیێ كاركرنێ و بهایێ ئەمپێرێ كارەبێ دا راگەهاندن.
دكونگرەیەكێ روژنامەڤانی فەرهاد ئەمین پارێزگەرێ دهوك راگەهاند كودكومبونێدا بەحسێ رەوشا كارەبا گشتی وگرانبونا بهایێ ئەمپێرێ كارەبا موەلیدا ل سەر وەلاتیان وچاوانیا كێمكرنا بهایێ ئەمپێری ل سەر وەلاتیان هاتە كرن ودیاركر ژی كو  كارەبا نیشتمانی ل وەرزێن هاڤین و زڤستانا وگوت ل ڤان هەردوو هەیڤا داخازی گەلەك ل سەر كارەبا نیشتمانی هەیە وبارێ وێ زور گراندبیت ورێژەیا دابینكرنێ بو وەلاتیان كێم دبیت وگوت نوكە بتنێ 495 میگاواتێن كارەبا نیشتمانی دگەهنە پارێزگەها دهوكێ وژوێ رێژێ 193میگاوات بو هێزێن پێشمەرگەی ل سەنگەران و كەمپێن ئاوارەیان و پروژێن ئاڤێ و نەخوشخانا وجهێن خزمەتكاری یێن فەر دهێتە دابینكرین وپشكا مای كو دبیتە 380میگاوات ل سەر هەرحەفت قەزایێن پارێزگەهێ وگوند وناحیا دهێتە بەلافكرن وئەڤەژی رێژەكا كێمە كو روژانە بتنێ 10-11دەم ژمێرا دگەهیتە وەلاتیان ودەم ژمێرین دی كو دبنە 13دەم ژمێر ژلایێ موەلیدا ڤە دهاتە دابینكرن.
پارێزگەرێ دهوكێ ئاماژە دا بریارا كومبونا لیژنا موەلیدا كو بەرنامەكێ نوو بو هەیڤا 12 دانایە كو موەلیدێن پارێزگەهێ وەكو یێن پارێزگەهێن دی یێن هەرێمێ كاربكەن ئەوژی ژدەم ژمێر(7هەتا 9) سپێدێ وژدەم ژمێر(2پشتی نیڤرو هەتا 2شەڤێ) وبڤێ چەندێ بهایێ ئەمپێری دێ لسەر وەلاتیان  هێتە كێمكرن بو (8,500)دینارا.