قەتەر.. زیاتر لە هەزار كرێكاری نیپاڵی لە ئامادەكاریەكانی مۆندیال گیانیان لەدەستداوە

12/06/2019 جیهان
دیمەنێك لە شاری دەوحەی پایتەختی قەتەر

نەوا

بەپێی ئامارێك لە ئامادەكارییەكانی قەتەڕ بۆ میوانداری جامی جیهانی 2022، زیاتر لە هەزار كرێكاری بیپاڵی لە كاتی كاركردندا گیانیان لەدەستداوە.
سایتی "زە هیمالایا"ی نیپاڵی بڵاویكردەوە، لە ساڵی 2014ەوە تا ئێستا نزیكەی 1400 كرێكاری نیپالی كە لە پڕۆژەكانی تایبەت بە مۆندیالی 2022ی قەتەر كاریان كردووە گیانیان لەدەستداوە.
حكومەتی نیپال، ئەو زانیاریانەی بۆ سایتەكە پشتڕاست كردووەتەوە و نیگەرانی خۆی لەوبارەوە دەربڕیوە.
لە ساڵی 2014ەوە قەتەر، دەستی بە ئامادەكارییەكان كردووە بۆ میوانداریكردنی جامی جیهانی؛ وەزیری پیشووی دارایی ئەو وڵاتە ڕایگەیاندبوو، نزیكەی 200 ملیار دۆلار لە میوانداریكردنی جامی جیهانی 2022 خەرج دەكەن.
پێشتریش چەند جارێك رێكخراوەكانی داكۆكیكار لە مافەكانی مرۆڤ و مافی كرێكاران نیگەرانی خۆیان لە بارودۆخی كرێكارانی بیانی لە قەتەر دەربڕیبوو، بەتایبەتی ئەوانەی لە پڕۆژەكانی پەیوەست بە مۆندیالی 2022 كاردەكەن.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group