ڕاستەوخۆ

ته‌رمی رۆژنامه‌نوسێكى ئه‌مریكى له‌ به‌غدا دۆزرایه‌وه‌

پێش 2 هەفتە عێراق

نەوا
تەرمی رۆژنامەنوسێكی ئەمریكی لە شاری بەغدا دۆزرایەوە، كە لە كەناڵێكی عیراقی كاردەكات و بە گوللـە كوژراوە.
سەرچاوەكانی هەواڵی عیراقی بڵاویانكردووەتەوە، بەرەبەیانی ئەمڕۆ پێنجشەممە، تەرمی "سامر عەلی شكارە" رۆژنامەنوسی بە رەگەزنامە ئەمریكی لەسەر رێگای گشتی لە خۆرهەڵاتی شاری بەغدا دۆزراوەتەوە.
ئەو رۆژنامەنوسە لە كەناڵی "الحرە العراق" كاری دەكرد، كە لەلایەن ئەمریكاوە پاڵپشتی دارایی دەكرێت.
بەپێی سەرچاوەكان، چەند گوللـەیەك نراوە بە سەری رۆژنامەنوسەكەوە. پاش دۆزینەوەشی، تەرمەكەی رادەستی هێزەكانی پۆلیس كراوەو لێكۆڵینەوەكان لەوبارەیەوە دەستیانپێكردوە.


شەپۆلەکانی نەوا

Copyright © 2017 - Radio Nawa. Designed and Developed by Avesta Group