نەوا
وەزارەتی ناوخۆی هەرێم چوونە دەرەوەی كارمەندەكانی بۆ دەرەوەی وڵات بەبێ مۆڵەت قەدەغە دەكات.
لە نوسراوێكدا كە وێنەیەكی بۆ رادیۆ نەوا نێردراوە، وەزارەتی ناوخۆ هۆشداری داوەتە كارمەندانی هێزەكانی ئاسایشی ناوخۆ و بەرگری و فریاكەوتن، كە ئەفسەرەكانیش دەگرێتەوە بێ مۆڵەت نابێت گەشتی دەرەوەی وڵات بكەن.
لە نووسراوەكەدا هاتووە، ماوەیەكە تێبینی دەكرێت ئەفسەران و كارمەندانی سەر بە وەزارەتی ناوخۆ، هاتوچۆی دەرەوە و وڵاتانی دەوروبەر دەكەن، هەندێكیان لەنێوان وڵاتانی دەوروبەری هەرێم كاری بازرگانی دەكەن.
وەزارەتی ناوخۆ لە نووسراوەكەیدا باسی لەوەشكردووە، بەهەموو شێوەیەك ئەفسەران و كارمەندانی هێزەكانی ئاسایشی ناوخۆ بۆ دەرەوەی وڵات بەبێ وەرگرتنی مۆڵەتی رەسمی و دیاری نەكردنی هۆكاری سەردانەكەی قەدەغەیە.
دوای دابەزینی بەهای تمەنی ئێرانی و لیرەی توركی لە وڵاتانی دراوسێ، هاوڵاتیانی هەرێمی كوردستان بەڕێژەیەەكی بەرچاو بەشێوەی گرووپ و خێزانی، روو لە ئێران و توركیا دەكەن و لەنێویاندا كارمەندانی حكوومەت هەیە.