نەوا-
دەسەڵاتی دادوەریی ئێران جێبەجێكردنی سزایەكی لەسێدارەدانی بەسەر سیخوڕێكی ئیسرائیلدا راگەیاند.
دەسەڵاتی دادوەریی ئێران بڵاویكردوەتەوە، رۆزبێه وادی ئیبراهیم بەتۆمەتی سیخوڕی و هاوكارییكردنی موسادی ئیسرائیل دەستبەسەرو دادگایی كرد، دوای جێبەجێكردنی تەواوی رێوشوێنەكان دەركردنی بڕیاری دادگا بەرامبەری، سزای لەسێدارەدانی بەسەردا جێبەجێكرا.
بڵاویشكراوەتەوە كە بەپێی بەڵگەنامەكان و دانپێدانانەكانی ڕۆزبێه وادی، بەتەواوی هاوكاریی موسادیكردوە بەئەنقەست لەگەڵیان بەرامبەر بڕێك پارە كاری كردوە، لەكاتێكدا خودی سزادراو لەیەكێك لەڕێكخراوە گرنگ و هەستیارەكانی وڵاتدا كاریكردوە.
دەسەڵاتی دادوەریی ئێران وردەكاری پەیوەندی ئەو سزادراوەی بە موسادی ئیسرائیلەوە بڵاوكردوەتەوەو ئاشكرایكردوە كە لەڕێگەی ئامێری ئەلكترۆنیەوە پەیوەندی پێیانەوە كردوەو دوای هەڵسەنگاندنی سەرەتایی و پشتڕاستكردنەوەی ناسنامەكەی لەلایەن ئەفسەرێكی دەزگای هەواڵگری ئیسرائیل (موساد)ـەوە رێنمایی كراوە.