نەوا-
محەمەد بەشیر وەزیری وزەی سوریا سەردانی بەغدای كردوە بەمەبەستی دوبارە نۆژەنكردنەوەی هێڵی بۆری نەوتی كەركوك ـ بانیاس و پرسی ئاو.
محەمەد بەشیر بڵاویكردوەتەوە: بەسەردانێك لە بەغدایە بۆ تاوتوێكردنی هاریكاری هاوبەش لە كەرتی نەوت و گفتوگۆكردن لەبارەی دوبارە نۆژەنكردنەوەی هێلی بۆری كەركوك- بانیاس لەگەڵ بەرپرسانی عیراق.
هەر لەبارەی سەردانەكەوە ئاژانسی هەواڵی سوریا بڵاویكردوەتەوە، وەزیری وزەی سوریا لەگەڵ بەرپرسانی بەغدا پتەوتركردنی هاریكارییە هاوبەشەكانی نێوان هەردوو وڵات لەبواری وزدا تاوتوێ دەكات.
ئاماژەشیكردوە، وەزیری وزەی سوریا ژمارەیەك پرسی گرنگ تاوتوێ دەكات لەنێونیاندا پرسی دوبارە نۆژەنكردنەوەی هێڵی بۆری نەوتی كەركوك ـ بانیاس و پرسی ئاویش یەكێكی تر دەبێت لە گفتوگۆكانی نێوانیان.