نەوا-
بەڕێوەبەری ئاوی هەرێمی كوردستان باس لەوەدەكات كە دوای تەواوبونی پڕۆژەی فریاگوزاری ئاوی خێرای هەولێر بەتەواوی كێشەی ئاو چارەسەر دەبێت و بیرەكانیش دادەخرێن.
ئاری ئەحمەد بەڕێوەبەری گشتی ئاوی هەرێمی كوردستان بە ماڵپەڕی فەرمی پارتی راگەیاندوە، قۆناغی یەكەمی پڕۆژەی ئاوی فریاگوزاری خێرا لە هەولێر تەواوبوە، قۆناغی دوەمیش بەشێكی زۆری تەواو بوەو پڕۆژەكە توانای 20 هەزار مەتر سێجا ئاوی هەیە، ئێستا 7 هەزار مەتر سێجا تەواو بوەو كەوتوەتە كار، هێڵێكی گواستەوەی ئاو تەواو بوەو كاردەكات، هێڵەكانی دیكەش كاری بەردەوامیان تێدا دەكرێت و بڕیارە تا كۆتایی ئەمساڵ  پڕۆژەكە %100  تەواوبێت و بكەوێتە خزمەت هاوڵاتیان.
بەڕێوەبەری ئاوی هەرێمی كوردستان وتوشیەتی، لە هەمو پڕۆژەكەدا دو وێستگە هەیە كە یەكێكیان تەواو بوەو كاری پێ دەكرێت، ئێستا نزیكەی 350 هەزار هاوڵاتی سود لە قۆناغی یەكەم وەردەگرن كە پڕۆژەكەش تەواو بوو ملیۆنێك و 500 هەزار هاوڵاتی سودی لێ وەردەگرن، بەتەواوبونی قۆناغی یەكەم %55ی كێشەی ئاوی هەولێر چارەسەر بوەو بەتەواوبونی پڕۆژەكەش هەزار بیر دادەخرێن.