نەوا-
هەرچەندە پێشتر بڵاوكرایەوە كە ئاگرەكەی پێنجوێن كۆنترۆڵكراوە، بەڵام بەڕێوەبەرایەتی پۆلیسی دارستان و ژینگەی پارێزگای سلێمانی دەڵێت، ئاگرەكە بەردەوامەو بریندار هەیەو تۆمەتبارێكیش دەستگیركراوە.
بەڕێوەبەرایەتی پۆلیسی دارستان و ژینگەی سلێمانی بڵاویكردوەتەوە، ئاگرەكەی سنوری قەزای پێنجوێن بەردەوامی هەیەو كۆنترۆڵ نەكراوە، سنوری چەند گوندێكی گرتۆتەوە، لەگەڵ دەستپێكی ئاگرەكە تەواوی هێزەكانی پۆلیسی دارستانی سلێمانی و پێنجوێن و بنكەكانیان لە سنوری سلێمانی ئامادەبون، هەروەها تیمی خۆبەخش و دانیشتوان و گوندنشینان بەشدارن لەهەوڵی كۆنتڕۆڵكردنی ئاگرەكە.
راشیگەیاندوە، سەختی ناوچەكەو مەترسی هەبونی مین كاری تەواوی تیمەكان سەخت بوە، تا ئێستا چەند بریندارێك هەن كە دوو هاوڵاتی خۆبەخشن لەگەڵ بەڕێوەبەری پۆلیسی دارستانی پێنجوێن لەئێستادا لەژێر چارەسەدان، هەروەها كەسێك بەتۆمەتی كەوتنەوەی ئاگرەكە دەستگیركراوە.
پێشتر سەردار ئەحمەد بەڕێوبەری پۆلیسی دارستان و ژینگەی قەزای پێنجوێن رایگەیاندبو، ئاگرەكە بە تەواوی كۆنتڕۆڵكراوە.