نەوا-
هێزەكانی سوریای دیموكرات (هەسەدە)و یەكینەكانی پاراستنی ژن (یەپەژە) دەستگیركردنی 39 چەكداری داعشیان لە شاری حەسەكە راگەیاند.
هێزەكانی سوریای دیموكرات و ناوەندی راگەیاندنی هێزەكانی ئاسایشی ناوخۆ و یەكینەكانی پاراستنی ژن لەبارەی ئەنجامدانی ئۆپراسیۆنێكی هاوبەش لە حەسەكە راگەیەنراوێكی هاوبەشیان بڵاوكردەوە كە تیایدا هاتوە، لە شاری حەسەكە ئۆپراسیۆنێك بەڕێوەچوە تێیدا 39 داعش دەستگیركراون، هەروەها دەستیشیان گرتوە بەسەر بڕێك چەك و تەقەمەنیدا.
ئاماژە بەوەشكراوە، چەكدارانی داعش سەرقاڵی ئامادەكاریبون بۆ هێرشكردنە سەر گرتوخانەیەك كە ژمارەیەك دەستگیركراوی داعشیان تیادایە، بڕیاریشە ئۆپراسیۆنەكە هەمو شاری حەسەكەو ئەو ناوچانە بگرێتەوە كە جێگای گومانن.