هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

له‌م ئه‌ڵقه‌یه‌ی به‌رنامه‌ی "هێڵی سێیه‌م"ی دوو ته‌وه‌ر تاووتوێ كران. له‌ به‌شی یه‌كه‌می به‌رنامه‌كه‌دا به‌ میوانداری هه‌ریه‌ك له‌ رۆژنامه‌وان فه‌رمان عه‌بدولڕه‌حمان له‌ ئه‌ڵمانیا و د.كامه‌ران مه‌نتك لێكۆڵه‌ر و مامۆستای زانسته‌ سیاسییه‌كان له‌ هه‌ولێر، په‌ره‌سه‌ندنی تۆڵه‌كردنه‌وه‌ی حكومه‌ته‌كان له‌ به‌رگریكارانی مافه‌كانی مرۆڤ و رۆژنامه‌نووسان شرۆڤه‌ كرا و گۆڕینی سیاسه‌تی هه‌رێمایه‌تی و نێوده‌وڵه‌تی له‌گه‌ڵ سعودیه‌ له‌سه‌ر بنه‌مای دۆسییه‌كانی پێشێلكاری و به‌كارهێنانی دۆسیه‌ی خاشقچی وه‌ك كارتی فشار باس كرا. له‌ به‌شی دووه‌می به‌رنامه‌كه‌دا به‌ میوانداری شوان داودی ئه‌ندامی پێشووی ئه‌نجومه‌نی نوێنه‌ران له‌ كه‌ركوكه‌وه‌، رووداوه‌كانی 16 و 17ی ئۆكتۆبه‌ری كه‌ركوك و ناوچه‌ كوردستانییه‌ جێناكۆكه‌كان دوای تێپه‌ڕبوونی ساڵێك تاووتوێ كرا.