هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

به‌رنامه‌ی ئه‌م هه‌فته‌یه‌ی "هێڵی سێیه‌م" له‌ به‌شی یه‌كه‌میدا، به‌ میوانداری نه‌وزاد ره‌سوڵ ئه‌ندامی پێشوی ئه‌نجومه‌نی نوێنه‌رانی عیراق تاووتوێی كاریگه‌رییه‌كانی پێكهێنانی كابینه‌ی نوێی حكومه‌تی عیراقی له‌سه‌ر په‌یوه‌ندییه‌كانی پارتی و یه‌كێتی له‌ كوردستان و به‌غدا كرد. له‌به‌شی دووه‌می به‌رنامه‌كه‌شدا، به‌ میوانداری فه‌رمان ره‌شاد سه‌رۆكی رێكخراوی ستۆپ بۆ دژه‌ گه‌نده‌ڵی گفتوگۆ له‌باره‌ی زیادبوونی ئاماره‌كانی پێشێلكاری و پێوه‌ره‌كانی گه‌نده‌ڵی كرا.