هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

"هێڵی سێیه‌م" له‌به‌شی یه‌كه‌می به‌ میوانداری هوشیار عه‌بدوڵڵا ئه‌ندامی ئه‌نجومه‌نی نوێنه‌رانی عیراق، تاووتوێی دۆسیه‌ی گرتنه‌به‌ری رێكاره‌ یاساییه‌كانی ئه‌ندامانی ئه‌نجومه‌نی نوێنه‌رانی عیراق و كاردانه‌وه‌كانی بزوتنه‌وه‌ی گۆڕانی له‌به‌رامبه‌ر ئه‌ندامانی فراكسیۆنه‌كه‌ی له‌ به‌غدا كرد. له‌به‌شی دووه‌می به‌رنامه‌كه‌دا دوو ته‌وه‌ر گفتوگۆیان له‌باره‌وه‌كرا، به‌ میوانداری د.هه‌ڵمه‌ت غه‌ریب مامۆستای یاسای نێوده‌وڵه‌تی یه‌كه‌م سه‌ردانی نێچیرڤان بارزانی له‌ پۆسته‌ نوێیه‌كه‌ی بۆ به‌غدا و ئیستانبوڵ و گریمانه‌ی چاره‌سه‌ره‌كان تاووتوێ كران. پاشان به‌ میوانداری عابد ئیكه‌ هاوسه‌رۆكی پارتی دیموكراتی گه‌لان(HDP) له‌ هه‌رێمی كوردستان، دووباره‌ ئه‌نجامدانه‌وه‌ی هه‌ڵبژاردنه‌كانی ئیستانبوڵ و كاریگه‌ری په‌یامه‌كانی عه‌بدوڵڵا ئۆجه‌لان خرانه‌ڕو.