دەست بە دابەشكردنی موچە دەكرێت
11/01/2020
نەوا
بڕیارە دەست بە دابەشكردنی موچەی مانگی تشرینی یەكەمی ساڵی رابردوو بكرێت.
لەو بارەوە سەرچاوەیەك لە وەزارەتی دارایی رایگەیاند، رۆژی یەكشەممە دەست بە دابەشكردنی موچەی مانگی تشرینی یەكەمی ساڵی 2019 دەكرێت.
وتیشی، سەرەتا موچەی وەزارەتی پێشمەرگە و لیواكان دابەشدەكرێت و رۆژانی دواتریش موچەی شوێنەكانی تر دابەشدەكرێت.
بڕیاربوو هەفتەی رابردوو دەست بە دابەشكردنی موچە بكرێت، بەڵام بەوتەی بەرپرسانی وەزارەتی دارایی بە هۆكاری تەكنیكی دابەشكردنەكەی دواكەوتووە.