نەوا-
حەشدی شەعبی ئاشكرایكرد، بەهۆی هێرشێكی ئاسمانییەوە لە پارێزگای نەینەوا چەكدارێكی كوژرا و دووانی دیكەش بریندار بوون.
دەستەی حەشدی شەعبی رایگەیاند، بەیانیی ئەمڕۆ فەوجی 4ـی سەر بە لیوای 30ـی حەشدی شەعبی لە ناوچەی دەشتی نەینەوا، رووبەڕووی هێرشێكی ئاسمانی بووەتەوە.
باسی لەوەشكرد، لە ئەنجامی ئەو هێرشەدا چەكدارێكیان كوژراوە و دوو چەكداری دیكەش بریندار بوون، كە بۆ وەرگرتنی چارەسەر گواستراونەتەوە بۆ نەخۆشخانە.
دەستەی حەشدی شەعبی لە بەیاننامەكەیدا هێرشەكەی بە "غەدر" وەسف كردووە و سوپا و هێزە ئەمنییەكانی ئەمریكا و ئیسرائیلی پێ تۆمەتبار كردووە.