نەوا-
سەرۆكوەزیرانی عێراق بە بۆنەی سەركەوتنی هەڵبژاردەی تۆپی پێی نیشتمانی بۆ یاری كۆتایی جامی جیهانی 2026، بڕیاریدا دەوامی فەرمی بۆ ئەمڕۆ و سبەی پێنجشەممە ڕابگیرێت.
نوسینگەی ڕاگەیاندنی سەرۆكی وەزیرانی عێراق ڕایگەیاند، سودانی ڕێنمایی ڕاگرتنی دەوامی فەرمی بۆ ئەمڕۆ و سبەی پێنجشەممە دەركردوە، بەبۆنەی پاڵاوتنی هەڵبژاردەی تۆپی پێی نیشتمانیمان بۆ یارییەكانی كۆتایی جامی جیهانی 2026".
ئەمڕۆ چوارشەممە، هەڵبژاردەی عێراق سەركەوتنێكی بەنرخی بەسەر هاوتا بۆلیڤیایەكەیدا بەدەستهێنا بە ئەنجامی (2-1) لە یاریی پلەی ئۆفی مۆندیالدا و دوای 40 ساڵ سەركەوت بۆ یارییەكانی مۆندیال.