نەوا-
ژمارەی ئەو كەسانەی لە رۆژی 7ی تشرینی یەكەمی 2023وە تا ئێستا بەهۆی هێرشەكانی ئیسرائیلەوە لە كەرتی غەزە گیانیان لەدەستداوە گەیشتوەتە 72 هەزارو 737 كەس.
وەزارەتی تەندروستی فەڵەستین لەغەزە لە ڕاگەیەنراوێكدا نوێترین زانیاری سەبارەت بە قوربانییانی هێرشەكانی ئیسرائیل سەرەڕای ئاگربەست لە غەزە بڵاو كردەوەو تیایدا ئاماژەی بەوەكردوە، لەدەستپێكی ئاگربەست لە غەزە لە 10ی ئۆكتۆبەری 2025دا، 851 كەس كوژراون و دوو هەزار و 437 فەڵەستینیش بریندار بون.
بەپێی راگەیەنراوەكە، ژمارەی ئەو كەسانەشی لە ساڵی 2023ـەوە  بریندار بون گەیشتوەتە 172 هەزار و 539 كەس و هێشتا تەرمی هەزاران كەس لەژێر داروپەردوی روخاوی بیناكاندا ماونەتەوە.