مەزڵوم عەبدی فەرماندەی گشتی هێزەكانی سوریای دیموكرات (هەسەدە) لەگەڵ ئەحمەد شەرع سەرۆك كۆماری سوریا لە دیمەشق كۆبونەوەو گفتوگۆی هەنگاوەكانی تێكەڵكردنی دامەزراوە ئیداری و سەربازییەكانیان كرد.
بەگوێرەی راگەیەنراوێك، لەكۆبونەوەكەدا تیشكخراوەتە سەر تەواوكردنی پڕۆسەی یەكگرتن لەناو دامەزراوەكانی دەوڵەت و زیاتركردنی هەماهەنگی و بەدواداچون لەبارەی هەنگاوەكانی پەیوەست بەتێكەڵكردنی دامەزراوە ئیداری و سەربازییەكان لەسەرتاسەری سوریادا.