نەوا-
جەمال كۆچەر ئەندامی لیژنەی دارایی لە پەرلەمانی عێراق لە لێدوانێكدا دەڵێت، نەبوونی یاسای بودجە هیچ مەترسیەك لەسەر مووچەی فەرمانبەران دروست ناكات.
ئاماژەی بەوەشكردوە، سێ ئەگەر بۆ یاسای بودجەی ئەمساڵ هەن و رەنگە بودجەیەكی كورتكراوە پەسەند بكرێت.
باسی لەوەشكرد: ئەگەری هەیە یاسایەكی تایبەت بە قەرز بۆ دابینكردنی خەرجییەكان دەربكرێت.
جەمال كۆچەر رونیشیكردەوە، نەبوونی یاسای بودجە هیچ مەترسییەك لەسەر مووچەی فەرمانبەران دروست ناكات، چونكە حكوومەت لە رێگەی سیستەمی یەك لەسەر 12 مووچە و خەرجیی وەزارەتەكان دابین دەكات.
وەك ئەو پەرلەمانتارەی یەكگرتوو ئاماژەی پێدا، پێداویستییەكانی وەك غاز و كارەبا و سووتەمەنی بە بێ یاسای بودجەش پارەیان بۆ تەرخان دەكرێت.