هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

"هێڵی سێیه‌م" له‌ ته‌وه‌ری یه‌كه‌می، له‌گه‌ڵ شوان داوودی ئه‌ندامی پێشووی ئه‌نجوومه‌نی نوێنه‌رانی عیراق و راوێژكاری ئێستای سه‌رۆكی ئه‌نجوومه‌نی نوێنه‌ران و، هۆگر ئیبراهیم مامۆستای زانكۆ و پسپۆر له‌ حكومه‌ته‌ خۆجێییه‌كان و لامه‌ركه‌زییه‌ت، گفتوگۆی له‌باره‌ی هه‌مواری یاسای ئه‌نجومه‌نی پارێزگاكان له‌ عیراق و هه‌رێمی كوردستان كرد و كاریگه‌رییان له‌سه‌ر داهاتووی كه‌ركوك و گۆڕینی دیمۆگرافی له‌ كه‌ركوك خسته‌ڕوو، له‌گه‌ڵ داهاتووی لامه‌ركه‌زییه‌ت له‌ هه‌رێم. له‌ ته‌وه‌ری دووه‌می "هێڵی سێیه‌م" له‌گه‌ڵ د.كامه‌ران مه‌نتك نووسه‌ر و لێكۆڵه‌ر و مامۆستای زانسته‌ سیاسییه‌كان، گفتوگۆ له‌باره‌ی هۆكاری تۆمه‌تباركردنی پارتی كرێكارانی كوردستان له‌ كوشتنی "عوسمان كۆسه‌" له‌لایه‌ن ئه‌نجومه‌نی ئاسایش و كاریگه‌رییه‌كانی ئاینده‌ی له‌سه‌ر په‌یوه‌ندی نێوان پارتی دیموكرات و پارتی كرێكاران تاوتوێ كرا، پرۆژه‌ی ده‌وڵه‌تی توركیا له‌ هه‌رێمی كوردستان و رۆژئاوای كوردستان خرایه‌ روو.