نەوا-
فەرماندەیی ناوەندیی هێزەكانی ئەمریكا (سێنتكۆم) رایگەیاندوە، بە بەشداری فەرماندە سەربازییەكانی ئەمریكاو 11 وڵاتی عەرەبیی، گفتوگۆی ئەمنی لە بەحرێن ئەنجامدراوەو بۆ یەكەمجار سوریاو لوبنانیش تیایدا بەشدارییان كردوە.
فەرماندەییەكە لەڕاگەیەنراوێكدا ئاماژەی بەوەداوە، فەرماندە سەربازییەكانی ئەمریكاو 11 وڵات لە بەحرێن كۆبونەتەوە گفتوگۆیانكردوە لەبارەی ئاسایشی ناوچەكەو دەرفەتەكانی پەرەپێدان بە هاریكاری بەرگریی لە ناوچەكەدا، هەروەها بەشداربوانی كۆبونەوەكە جەختیان لەسەر پابەندبونی هاوبەشیان كردوەتەوە بۆ دەستەبەركردنی ئازادی بازرگانی لە گەرووی هورمزدا.