راپۆرتێكی نێودەوڵەتی: قەیرانی خۆراك بەرۆكی 100 ملیۆن ئەفریقی گرتوەتەوە

پێش 3 هەفتە جیهان

نەوا
فێدراسیۆنی خاچی سوور و مانگی سووری نێودەوڵەتی، رایانگەیاند، كە قەیرانی خۆراك لە كیشوەری ئەفریقا بەرۆكی زیاتر لە 100 ملیۆن كەسی گرتووە.
بەگوێرەی راپۆرتی فێدراسیۆنەكە، پێكدادانەكانی ئەفریقا، كێشە ئەمنییەكان، هێرشەكانی كوولە، گۆڕانی كەشوهەوا، لافاو و كێشە ئابوورییەكان، قەیرانی خۆراكیان قوڵتر كردووەتەوە.
لە راپۆرتەكەدا باس لەوەش كراوە كە لە ئێستادا بەهۆی پەتای كۆرۆنا قەیرانی خۆراك لە زۆرێك لە وڵاتانی ئەفریقا گەورەتر بووە.
رونیشیكردوەتەوە، كە ئەو وڵات و ناوچانەشی رووبەڕووی زۆرترین قەیرانی برسێتی بوونەتەوە بریتین لە باشووری سودان، سۆماڵ، ناوچەی تیگرای لە ئەسیوبیا، ناوچەكانی سەر دەریاچەی چاد، بوركینا فاسۆ، مالی و نەیجەر.

شەپۆلەکانی نەوا

Copyright © 2017 - Radio Nawa. Designed and Developed by Avesta Group