نەوا
کۆمپانیای شیڤرۆلیتی ئەمریکی هەندێک زانیاری و وێنەی دەربارەی ئوتۆمبێلی "سیلڤیرادۆ"ی جۆری "پیک ئاپ" ئاشکرا کرد.
وەک لە وێنە و گرتەکاندا ئاشکرا بووە، نەوەی نوێی ئوتۆمبێلەکە لەو سیلڤیرادۆیە ناچێت کە ئێستا لەنێو بازاڕەکاندا بونی هەیە، بەڵکو لەڕوخساری دەرەکی و بەتایبەت بەشی پێشەوەدا گۆڕانکاری گەورەی تێدا کراوە لە لایت و توڵەکان و هەڵکۆڵینی لۆگۆی کۆمپانیا  لەسەری، ئەوەش وا دەکات بەشێوەیەکی ناوازە دەربکەوێت.

بەپێی زانیاریەکان، هەیکەلی سیلڤیرادۆ هەشت سانتیمەتر لەدەرەوە و ناوەوە درێژتر و پێنج سانتیمەتر پانتر دەبێت لە جۆرەکانی پێشو، لەناوەوەی ئوتۆمبێلەکە داشبۆردێکی ناوازە دیزاین کراوە کە دوو سکرینی لەسەرە و هەردوکیان بە "سیستمی تەچ" کاردەکەن، هەروەها تەواوی خەسڵەتە نوێیەکانی مەڵتیمیدیای تێدا فەراهەمکراوە.

لەڕووی میکانیکیەوە ئوتۆمبێلەکە هەشت بستۆنە (6.6 لیتر) بەهێزی (600 ئەسپ)، هەروەها بۆکسی گێڕەکەی بە 10 ئاستی خێرایی دەبێت.