ئێسپه‌ر: هێزه‌كانمان له‌ سوریاوه‌ ده‌گوازینه‌وه‌ بۆ خۆرئاوای عیراق

پێش 4 هەفتە جیهان

نه‌وا
ئه‌مریكا له‌ چه‌ند هه‌فته‌ی داهاتوودا سه‌ربازه‌كانی له‌ سوریاوه‌ ده‌گوازێته‌وه‌ بۆ خۆرئاوای عیراق و ده‌ڵێت "بۆ یارمه‌تیدانی ئه‌و وڵاته‌یه‌ له‌ به‌ره‌نگاربونه‌وه‌ی داعشدا".
مارك ئێسپه‌ر وه‌زیری به‌رگری ئه‌مه‌ریكا له‌ كۆنفرانسێكی رۆژنامه‌وانیدا رایگه‌یاند، پێده‌چێت له‌ ماوه‌یه‌كی نزیكدا، سه‌رجه‌م هێزه‌كانمان له‌ سوریاوه‌ بگوازینه‌وه‌ بۆ رۆژئاوای عیراق، بۆ به‌رده‌وامیدان به‌ به‌ره‌نگاربونه‌وه‌ی داعش له‌ عیراق و یارمه‌تیدانی هێزه‌كانی ئه‌و وڵاته‌.
به‌وته‌ی وه‌زیری به‌رگری ئه‌مه‌ریكا، هێزه‌كانیان نزیكه‌ی هه‌زار سه‌ربازن و له‌ چه‌ند هه‌فته‌ی داهاتودا سه‌رجه‌میان بۆ عیراق ده‌گوازرێنه‌وه‌.
دوای ده‌ستپێكردنی ئۆپه‌راسیۆنی توركیا بۆسه‌ر رۆژئاوای كوردستان، دۆناڵد تره‌مپ سه‌رۆكی ئه‌مریكا رایگه‌یاند، هێزه‌كانی ئه‌مریكا له‌ سوریا ده‌كشێنێته‌وه‌، ته‌نها هێزێكی كه‌م نه‌بێت له‌ له‌ سه‌ربازگه‌ی ته‌نه‌ف له‌سه‌ر سنوری نێوان سوریا و عیراق ده‌مێننه‌وه‌، به‌ڵام له‌چه‌ند رۆژی رابردودا ئه‌نجومه‌نی نوێنه‌رانی ئه‌مریكا ئیدانه‌ی بڕیاره‌كه‌ی تره‌مپی كرد و زۆرێك له‌ سیناتۆره‌ دیموكرات و كۆمارییه‌كان دژی ئه‌م بڕیاره‌ی سه‌رۆكی وڵاته‌كه‌یانن.


شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group