نەوا
هێزەكانی ئاسایشی هەرێمی كوردستان دوو گەنجی خۆبەخشییان دەستگیركرد، كە لە رۆژئاوای كوردستانەوە گەڕابونەوە بۆ هەرێم.
ئاژانسی هەواڵی فورات نیوز بڵاویكردەوە، هێزەكانی ئاسایش دوو گەنجیان دەستگیركردووە، كە پێشتر بۆ بەشدارییكردن لە بەرەنگاربوونەوەی هێرشی توركیا بۆسەر رۆژئاوای كوردستان، چوبونە رۆژئاوا، بەڵام لەكاتی گەڕانەوەیاندا لە دەروازەی پێشخاپور لەلایەن ئاسایشی هەرێمەوە دەستگیركراون.
پێشتریش 12 گەنجی دیكەی خۆبەخش لەكاتی گەڕانەوەیاندا لە رۆژئاوای كوردستانەوە بۆ هەرێمی كوردستان لەلایەن ئاسایشەوە دەستگیركرابون و دوای نزیكەی 10 رۆژ ئازادكران.