ئه‌مریكا روسیا به‌ ئه‌نجامدانی چه‌ندین هێرشی ئه‌لیكترۆی تۆمه‌تبار ده‌كات

19/12/2020 جیهان

نه‌وا
وه‌زیری ده‌ره‌وه‌ی ئه‌مریكا به‌ فه‌رمی روسیا به‌ ئه‌نجامدانی چه‌ندین هێرشی رێكخراوی ئه‌لیكترۆنی بۆ سه‌ر دامه‌زراوه‌ فه‌رمیه‌كانی تۆمه‌تبار كرد.
مایك پۆمپیۆ رایگه‌یاند، هاككه‌ره‌ روسه‌كان چه‌ندین هێرشی ئه‌لیكترۆنیان كردوه‌ته‌ سه‌ر دامه‌زراوه‌ و وه‌زاره‌ته‌ گرنگه‌كانی ئه‌مریكا.
وتیشی، هێرشبه‌ره‌كان له‌ رێگه‌ی جێگیركردنی به‌رنامه‌یه‌كه‌وه‌ له‌ تۆڕی ئه‌و دامه‌زراوانه‌، هه‌وڵی جیاكردنه‌وه‌ی كۆد و پاسوۆرده‌كانیان داوه‌ و راشیگه‌یاند، به‌شێك له‌ زانیارییه‌كانی په‌یوه‌ست به‌و هێرشانه‌ به‌ نهێنی ده‌هێڵنه‌وه‌.
پێشتر میدیاكانی ئه‌مریكا بڵاویانكردبوه‌وه‌، وه‌زاره‌ته‌كانی گه‌نجینه‌، بازرگانی، ئاسایشی ناوخۆ و به‌ڕێوه‌به‌رایه‌تی په‌یوه‌ندیه‌كان و هه‌واڵگری نیشتمانی و چه‌ند دامه‌زراوه‌یه‌كی په‌یوه‌ست به‌ به‌رنامه‌ی ئه‌تۆمی وڵاته‌كه‌ كه‌وتونه‌ته‌ به‌ر هێرشی ئه‌لیكترۆنی روسه‌كان.
له‌به‌رامبه‌ردا باڵیۆزخانه‌ی روسیا له‌ واشنتۆن به‌ توندی ئه‌و تۆمه‌تانه‌ی ره‌تكردبوه‌وه‌.

شەپۆلەکانی نەوا

Copyright © 2017 - Radio Nawa. Designed and Developed by Avesta Group