نەوا –
محەمەد حەلبوسی سەرۆكی پەرلەمانی عیراق رایگەیاند، ئەمڕۆ پرۆژە یاسای بودجەی گشتی لەلایەن لیژنەی داراییەوە رادەست دەكرێت و رۆژی شەممە دەخرێتە دەنگدانەوە.
حەلبوسی بە ئاژانسی هەواڵی عیراقیەی وتووە، بودجە لە كۆتاییەكانیدایە و هەوڵە بەردەوامەكانی لیژنەی دارایی و ئابوریی بەرز دەنرخێنن، لیژنەكە ئامادەیە رۆژی پێنجشەممە پرۆژەیاسای بودجە رادەستی پەرلەمان بكات.
هێمای بۆ ئەوەش كردووە، یاساكە گرنگە و وەبەرهێنانێكی زۆری تێدایە، هەروەها پڕۆژەی ستراتیژی كە رەنگدانەوەی ئەرێنی لەسەر واقیعی خزمەتگوزاری بەرنامەی حكومەت دەبێت، لیژنەی دارایی هەندێك بڕگەی زیاد كرد و هەندێكی دیكەی هەمواركردەوە بۆ ئەوەی خزمەت بە تێڕوانینی وڵات بكات بە گشتی.
سەرۆكی پەرلەمانی عیراق وتوشیەتی، لە رۆژی شەممەی داهاتوو كە دەكاتە 27ی ئایار، پرۆژە یاسای گشتی بودجە دەخرێتە دەنگدانەوە.