نەوا-
سیاسەتمەداری عیراق هەیبەت محەمەد عەباس ئەلحەلبوسی، لەدایكبوی ساڵی 1980ـەیە، بڕوانامەی بەكالۆریۆسی هەیە، لەخولی چوارەمی ئەنجومەنی نوێنەرانی عیراقدا لەساڵانی نێوان 2018 تا 2022 ئەندامی ئەنجومەنی نوێنەرانی عیراق بوەو سەرۆك لیژنەی نەوت و گازو سەرچاوەكان بوە، یەكێك بوە لە سەركردە دیارەكانی حزبی تەقەدوم كە محەمەد حەلبوسی سەرۆكی لەكارلادراوی ئەنجومەنی نوێنەرانی عیراق لەخولی رابردو، سەرۆكایەتی كردوە.
بۆ ئەم خولەی ئەنجومەنی نوێنەرانی عیراق بەدەنگی زۆرینەی ئەندامانی ئەنجومەنی نوێنەران كرایە سەرۆكی خولی شەشەمی پەرلەمانی عیراق، بەمەش بەسەر هەریەك لە ركابەرەكانی (سالم ئەلعیساوی و عامر عەبدولجەبار) سەركەوتنی بەدەستهێنا.