نەوا-
عەلی حەمە ساڵح بڕیاردەری رەوتی هەڵوێست رایگەیاندوە، موسەننا ئەمین خۆی وەك كاندیدی سەرۆك كۆماری عیراق تۆماركردوەو رەوتەكەیان پشتیوانی دەكات.
عەلی حەمە ساڵح وتوشیەتی: رەوتی هەڵوێست وەك چۆن لە پرۆسەی هەڵبژاردنی جێگری سەرۆكی پەرلەمان رۆیشتە كێبڕكێوە، بەهەمانشێوە بۆ پۆستی سەرۆك كۆمار هەنگاوی ناو پێشنیارێكی سێ خاڵی ئامادەكرد بۆ لایەنەكانی دەرەوەی پارتی و یەكێتی ئەوانیش بریتیبون لەوەی هەمویان پشتیوانی كەسایەتییەكی سەربەخۆ بكەن، یاخود كەسێك لەوان خۆی كاندید بكات و پشتیوانی دەبن، هەروەها رەوتەكەیان كەسێك پێشنیار دەكات و ئەوانیش پشتیوانی لێبكەن، لایەنەكانیش هەر كام لە بژاردەكان دیاری بكەن ئەوا پشتیوانی لێدەكەن.
ئاماژەشیكردوە، ئێستا موسەننا ئەمین ئامادەیی خۆی پیشانداوەو وەك كاندید خۆی تۆماركردوە، بۆیە كاندیدی ئەوانەو پشتیوانی دەبن.