هێڵی سێیه‌م پێشکەشکار : نیاز عەبدوڵڵا

بۆچوون و بیركردنه‌وه‌كان ته‌ریب و هه‌ماهه‌نگ یان جیاواز و یه‌كتربڕن، به‌ڵام بۆچوون و خوێندنه‌وه‌ی بابه‌تیانه‌ی پشتبه‌ستوو به‌ زانیاری‌ هێڵێكی تر بۆ بیركردنه‌وه‌ دەنەخشێنێت. هێڵی سێیه‌م پرۆگرامێكی هه‌فتانه‌یه‌، رۆژانی شه‌ممه‌ له‌ كاتژمێر 12:05ی نیوه‌ڕۆ راسته‌وخۆ پیشكه‌ش ده‌كرێت.

ئه‌م ئه‌ڵقه‌یه‌ی به‌رنامه‌ی "هێڵی سێیه‌م" له‌ بروكسل-ی پایته‌ختی به‌لجیكا و به‌هاوكاری رادیۆی "ده‌نگی وڵات" پێشكه‌ش كرا. به‌ میوانداری هه‌ریه‌ك له‌ جه‌بار ئه‌مین ئه‌ندامی خولی پێشوی په‌رله‌مانی سوید، هه‌ندرێن هه‌ورامی رۆژنامه‌وان و فه‌رمان خێڵانی كادیری پارتی كاری به‌لجیكا، له‌ به‌رنامه‌كه‌دا گفتوگۆ له‌باره‌ی رۆڵی په‌رله‌مانی ئه‌وروپا و وڵاتانی سوید و به‌لجیكا له‌ دادگاییكردنی تیرۆریستانی داعش له‌ دادگایه‌كی نێوده‌وڵه‌تی و دادگا ناوخۆییه‌كاندا كرا، رۆڵی ئه‌و وڵاتانه‌ له‌ قۆناغی دووه‌می شه‌ڕی داعشدا خرایه‌ڕو. له‌ ماوه‌ی گفتوگۆكه‌دا سیسته‌می سیاسی و ئابوری و كۆمه‌ڵایه‌تی ئه‌و وڵاتانه‌ له‌ مامه‌ڵه‌كردن له‌گه‌ڵ تیرۆر شرۆڤه‌ كرا.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group