وەزارەتی دەرەوەی ئەمریكا: عێراق داوای نەكردوە هێزەكانمان ببەینە دەرەوە

4 رۆژ پێش ئێستا عێراق

نەوا-
بەرپرسێكی وەزارەتی دەرەوەی ئەمریكا جەختلەوەدەكاتەوە: حكومەتی عێراق داوای لێنەكردون هێزەكانیان لە عێراق ببەنە دەرەوە، جەختلەوەشدەكاتەوە كە لەگەڵ هێزە عێراقییەكان و پێشمەرگە دەستكەوتی زۆریان هەبوە.
(جوی هود) یاریدەدەری وەزیری دەرەوەی ئەمریكا بۆ كاروباری رۆژهەڵاتی ناوەڕاست ئاماژەی بەوەداوە: ئەمریكا و هاوپەیمانی نێودەوڵەتی و حكومەتی عێراقی و هێزەكانی پێشمەرگە دەستكەوتی زۆریان هەبوە لە روبەڕوبونەوەی رێكخراوی داعش و بەزاندنی.
باسی لەوەشكردوە: بەڵام تائێستا بەزاندنی رێكخراوی داعش بەتەواوەتی بەدەست نەهاتوە و پێویستە بەردەوامبین لەشەڕی رێكخراوەكە لە سوریا.
هود سەبارەت بە كەمكردنەوەی هێزەكانیان لە عێراق و گفتوگۆی ستراتیژی وڵاتەكەی لەگەڵ بەغدا وتی: لە گفتوگۆكاندا كە رۆژی چوارشەممە ئەنجام درا، عێراق داوای لە ئەمریكا نەكردوە كە هێزەكانی بباتە دەرەوە.

شەپۆلەکانی نەوا

  • زۆرترین خوێندراو
  • دواترین هەواڵ
Copyright © 2017 - Radio Nawa. Designed and Developed by Avesta Group