حكومەتی قەتەر بڕیاریدا لەمەودوا جارێكی تر بەستنی ماسك بكاتەوە بە ناچاری لە شوێنە داخراوەكاندا.
بەپێی راگەیەنراوێكی وەزارەتی تەندروستی قەتەر، لەپاش هەڵكشانەوەی حاڵەتەكانی توشبون بە كۆرۆنا لە چەند رۆژی رابردوودا، ئەنجومەنی وەزیرانی قەتەر بڕیاریداوە بەستنی ماسك بكاتەوە بە ناچاری بۆ هاووڵاتییەكانی و ئەوانەی سەردانی ئەو وڵاتە دەكەن لەتەمەنی شەش ساڵانەوە بەرەو سەر لە شوێنە گشتی و داخراوەكاندا.
بەپێی بڕیارەكەی ئەنجومەنی وەزیرانی قەتەر بڕیارەكە ئەو شوێنانەش دەگرێتەوە كە ناوەندی تەندروستی و شوێنی كاركردن و هۆیەكانی گواستنەوەی گشتین لەگەڵ مزگەوتەكاندا، هەروەها هەموو ئەو شوێنانەی داخراون .
راشگەیەنراوە، لەگەڵ دوبارە سەرهەڵدانەوەی كۆرۆنا ئەم بڕیارانە هەوڵێكی پێشوەختەن بۆ رێگریكردن لە توشبون بە كۆرۆناو زیاتر بڵاوبونەوەی.