نەوا-
حەسەن هادی ئەندامی تیمی راگەیاندنی كۆمسیۆنی باڵای سەربەخۆی هەڵبژاردن لە عیراق رایگەیاند، كۆتاییهاتنی بانگەشەی هەڵبژاردن 24 كاتژمێر پێش دەستپێكی دەنگدانی تایبەت دەبێت. هەر چالاكییەك لەو ماوەیەدا بە پێشێلكاریی دادەنرێت.
وتیشی: پێشێلكردنی قەدەغەی بانگەشەی هەڵبژاردن كاندید دوچاری سزای دارایی یان كارگێڕی دەكاتەوە رەنگە رێكاری توندتریش بیگرێتەوە تا دورخستنەوە لە هەڵبژاردن.
ئەندامەكەی تیمی راگەیاندنی كۆمسیۆنی هەڵبژاردن راشیگەیاندوە: بە وردی چاودێریی پابەندبونی كاندیدەكان دەكەن چ لە رێگەی هەڵمەتە مەیدانییەكانەوە بێت یان لەڕێگەی میدیاو تۆڕە كۆمەڵایەتییەكانەوە بێت.