بریارە ئەمڕۆ كارنامەی حكومەتەكەی عەلی زەیدی پێشكەشی ئەنجومەنی نوێنەران بكرێت
1 کاتژمێر پێش ئێستا عێراق
نەوا-
هەیبەت حەلبوسی سەرۆكی ئەنجومەنی نوێنەرانی عیراق رایگەیاند، ئەمڕۆ عەلی زەیدی سەرۆك وەزیرانی راسپێردراوی عیراق كارنامەی حكومەتەكەی پێشكەشی ئەنجومەنی نوێنەران دەكات.
ئەوەشی خستەڕو، كارنامەی حكومەتەكەی سەرۆك وەزیرانی راسپێردراو بەسەر ئەندامانی ئەنجومەنی نوێنەران دابەش دەكرێت بۆ هەڵسەنگاندن و تاوتوێكردنی.
ئەمە لە كاتێكدایە، فشارەكانی ئەمریكا ئەركی عەلی زەیدی سەرۆك وەزیرانی راسپێردراوی عیراق لە هەموو سەرۆك وەزیرانی پێشووتر سەختركردووە، ئەویش بەوەی كە ئەمریكا هەڵوەشاندنەوەی گروپە چەكدارەكان و دوورخستنەوەیان لە دامەزراوەكانی دەوڵەت كردووەتە مەرجی سەرەكی بۆ دەستپێكردنەوەی هاوكارییە دارایی و ئەمنییەكانی بۆ عیراق.