نەوا-
بە بۆنەی یادی لەدایكبوونی پێغەمبەر (دروودی خوای لەسەر بێت) ڕۆژی سێشەممەی هەفتەی داهاتوو لە هەرێمی كوردستان و عێراق دەكرێتە پشووی فەرمی.
ئەمیندارێتی ئەنجوومەنی وەزیرانی عێراق ڕایگەیاند، ڕۆژی سێشەممەی هەفتەی داهاتوو 25ی ئابی 2026 دەكرێتە پشووی فەرمی لە سەرجەم وەزارەت و دامەزراوە حكومییەكاندا.
ئاماژە بەوەشدراوە، پشووەكە بە بۆنەی ڕۆژی لەدایكبوونی پێغەمبەر (دروودی خوای لەسەر بێت) ڕاگەیەندراوە.
بە پێی ساڵنامەی حكومەتی هەریێمی كوردستانیش، ڕۆژی 25ی ئابی 2026 بەبۆنەی یادی مەولودەوە پشووی فەرمییە.