نەوا
دەستەی گشتی گەشتوگوزار سەبارەت بە داخستن و كردنەوەی شوێنە گەشتیارییەكان لە هەرێمی كوردستان و رێگەدان بە كردنەوەی بازگە و دەروازەكان، رونكردنەوەیەكی بڵاوكردەوە.
لە رونكردنەوەكەدا هاتوە، داخستن و كردنەوەی شوێنەكانی گەشتیاری هەرێمی كوردستان و رێگەدان بە كردنەوەی بازگە و دەروازەكان، لە دەسەڵاتی دەستەی گشتی گەشتوگوزاردا نەبوە و نییە، بابەتەكە پەیوەستە بە بارودۆخی تەندروستیی گشتی و كەم و زیادبونی مەترسی ڤایرۆسی كۆرۆنا، بۆیە دەسەڵاتی بڕیاردان لە لای لیژنەی باڵای بەرەنگاربونەوەی ڤایرۆسی كۆرۆنا و ژوری ئۆپەراسیۆنی پارێزگاكانی هەرێمی كوردستانە.
ئاماژە بەوەشكراوە، لە بڵاوكراوەی 27ی ئایاری دەستەی گشتی گەشتوگوزاردا لە هیچ شوێنێك ئاماژە نەدراوە بەوەی دەستەكەیان هیچ بڕیارێكی بۆ كردنەوەی شوێنەكانی گەشتیاری دابێت.