بچوكترین پەرلەمانتاری عیراق سوێندی خوارد

23/06/2022 عێراق

یەكێك لەو ئەندامە نوێیانەی ئەنجومەنی نوێنەران كە سوێندی دەستوری خوارد بچوكترین ئەندامی ئەنجومەنەكەیە كە سێ رۆژە بڕوانامەی بەكالۆریۆسی بەدەستهێناوە.
زیا هندی كە لەئەنجومەنی نوێنەرانی عیراق سوێندی دەستوری خوارد لەسەر كوتلەی بزوتنەوەی ئیمتیداد بوە یەكێك لە شوێنگرەوانی پەرلەمانتارانی سەدر لەئەنجومەنی نوێنەران تەمەنی لە 32 تێناپەڕێت و ماوەی سێ رۆژە بڕوانامەی بەكالۆریۆسی لە زانستە سیاسیەكان لە زانكۆی كوفە بەدەستهێناوە.
هندی لە روی تەمەنیەوە بچوكترین ئەندامی نوێی ئەنجومەنی نوێنەرانی عیراقە.
ئەنجومەنی نوێنەرانی عیراق  بە ئامادەبونی 202 ئەندام  كۆبۆەو پەرلەمانتارانی نوێش سوێندی دەستوریان خوارد.
بەپێی راگەیەنراوی ئەنجومەنی نوێنەرانی عیراق، كۆبونەوەی نائاسایی بەسەرۆكایەتی محەمەد حەلبوسی كراوەو پەرلەمانتارانی نوێ و شوێنگرەوەی كوتلەی سەدر سوێندی دەستوریا خواردەوە، هەروەها كۆتاییان بەهەمواری پەیڕەوی ناوخۆی ئەنجومەنەكە هێناو پەسەندیان كردوە.



شەپۆلەکانی نەوا

Copyright © 2017 - Radio Nawa. Designed and Developed by Avesta Group