نەوا-
بەڕێوەبەری سامانی ماسی لە وەزارەتی كشتوكاڵ دەڵێت، كارەبای 24 كاژێری كاریگەریی زۆری لەسەر پڕۆژەكانی ماسی دەبێت.
بێستوون نەجمەدین بەڕێوەبەری سامانی ماسی لە وەزارەتی كشتوكاڵ لە لێدوانێكدا رایگەیاند، پڕۆژەی رووناكی كاریگەریی زۆری لەسەر بەرهەمە كشتوكاڵییەكان بەتایبەتی سامانی ماسی دەبێت، چونكە شەوانە بۆ پڕۆژە كشتوكاڵییەكان ئامێری ئۆكسجینی ماسی بەكاردەهێنرێت و پێویستیی زۆریان بە كارەبایە، بەڕادەیەك ئەگەر كارەبا نەبێت، هەموو ماسییەكان لەناودەچن.
 ئاماژی بەوەشدا، ئەگەر كارەبای 24 كاژێریشیان بە نرخی كشتوكاڵی پێبدەن نەك بازرگانی، پڕۆژەكانی بەرهەمهێنانی ماسی و بەرهەمی ماسیش زۆر زیاد دەكەن و لە بەرهەمی ماسی دەگەنە ئاستی خۆبژێوی و هەناردەی دەرەوەی دەكەن.
 باسی لەوەشكرد، 14 هەزار دۆنم حەوزی ماسی لە هەرێمی كوردستان هەیە و ساڵانە هەر دۆنمێكی سێ تۆن ماسی بەرهەم دەهێنێت.