نەوا-
وەزارەتی پێشمەرگە كۆتاییهێنا بەخولێكی راهێنەرانی ئۆپراسیۆنی زانیاریی كە لەلایەن هێزەكانی هاوپەیمانانەوە ئەنجامدرابو.
وەزارەتی پێشمەرگە بڵاویكردوەتەوە، بەئامادەبوونی لیوا عوسمان محەمەد بەڕێوەبەری گشتی راگەیاندن و هۆشیاری و عمید محەمەد سدیق بەڕێوەبەری هۆشیاری و تیمێكی راوێژكارانی هاوپەیمانان، كۆتایی بەقۆناغی دوەمی خولی راهێنەرانی ئۆپراسیۆنی زانیاری هات كە لەلایەن هاوپەیمانانەوە بۆ پۆلێك لە ئەفسەرانی راگەیاندن و هۆشیاری وەزارەتی پێشمەرگە كرابوەوە.
ئاماژەشیكردوە، لە خولەكەدا ژمارەیەك لە ئەفسەرانی هەردوو بەڕێوەبەرایەتی هۆشیاری نیشتمانی و بەڕێوەبەرایەتی راگەیاندن بۆ ماوەی 4 رۆژو ئاشناكران بە چەندین وانەی گرنگی تیۆری و پراكتیكی لەبارەی ئۆپراسیۆنی زانیاری كە لەلایەن دوو پلەداری تیمی راوێژكارانی هاوپەیمانانەوە پێشكەش كران و تیایدا بەشێوەیەكی ورد رەهەندەكانی ئۆپراسیۆنی زانیاری و چۆنێتی كاركردن لە پرۆسەكانی ئەو بوارەدا شیكرانەوەو تاقیكردنەوەی كردەییان تێدا ئەنجامدرا.
لەلایەن خۆشیەوە بەڕێوەبەری گشتی راگەیاندن و هۆشیاری وەزارەتی پێشمەرگە خەڵاتی رێزلێنانی پێشكەش بە وانەبێژەكانی خولەكە كردو سوپاس و پێزانینی ئاڕاستەكردن، پاشان بڕوانامەی دەرچون بەسەر بەشداربواندا دابەشكرا.