نەوا-
سەرۆك وەزیرانی ئیسرائیل ڕایگەیاند، غەززە داگیر ناكەن، بەڵكو ئەو كەرتە لە دەستی حەماس ڕزگار دەكەن.
بنیامین نەتەنیاهۆ سەرۆك وەزیرانی ئیسرائیل لە پەیامێدا لە پەرەی تایبەتی خۆی لە پلاتفۆڕمی "X" بڵاویكردەوە، "ئێمە غەززە داگیر ناكەین، بەڵام ئەو كەرتە لە حەماس ڕزگار دەكەین".
باسی لەوەشكرد، غەززە چەك دادەماڵرێت و ئیدارەیەكی مەدەنیی ئاشتیخواز دادەمەزرێت، ئیدارەیەك كە نە دەسەڵاتی فەڵەستینییە، نە حەماس و نە هیچ ڕێكخراوێكی دیكەی تیرۆریستی.
بنیامین نەتەنیاهۆ وتیشی، ئەوە یارمەتیدەر دەبێت لە ڕزگاركردنی بارمتەكان و دڵنیابونەوە لەوەی كە غەززە لە داهاتودا هەڕەشە بۆ سەر ئیسرائیل دروست ناكات.