نەوا-
لە هەنگاوێكدا زانكۆی سلێمانی بەمەبەستی بەرەوپێشبردنی توانای خوێندكاران و ئامادەكردنیان بۆ بازاڕی كار خولێكی تایبەت بە فیلم بەڕێوەدەبات.
زانكۆی سلێمانی بڵاویكردۆتەوە، لە هەنگاوێكی نوێی زانستیدا بەشی فیلمسازی لە كۆلێژی هونەرەجوانەكانی زانكۆی سلێمانی خولێكی فێركاری تایبەت بە ئیدیتی فیلم بۆ ژمارەیەك لە خوێندكارانی بەشەكە رێكدەخات، ئەم خولە بەمەبەستی ئاشناكردنی خوێندكارانە بە تەكنیكە نوێیەكانی مۆنتاژو بنەما سەرەكییەكانی ئیدیتكردن سازدەكرێت كە لەلایەن مامۆستایانی زانكۆكەوە دەوترێتەوە.
ئەوەش باسكراوە، خولەكە ماوەی مانگێك بەردەوامدەبێت و تیایدا 11 خوێندكاری قۆناغە جیاوازەكان بەشداری دەكەن، ئەم جۆرە چالاكییانەش رۆڵێكی گرنگ دەبینن لە پەرەپێدانی توانای خوێندكاران و ئامادەكردنیان بۆ بازاڕی كار.