نەوا-
تاقیكردنەوەی فشاری سەر تۆڕەكان بۆ كارەبای 24 كاتژمێری لە زاخۆ دەستیپێكردو بڕیارە مانگی داهاتو پڕۆژەی روناكی لە ئیدارەی سەربەخۆی زاخۆ جێبەجێ بكرێت.
بەڕێوەبەرایەتی گشتی كارەبای زاخۆ بڵاویكردوەتەوە، تاقیكردنەوەی فشار بۆ سەر تۆڕی كارەبای زاخۆ دەكرێت، تاقیكردنەوەكە هەوڵێكە بۆ دیاریكردنی كەموكوڕییەكانی گواستنەوەو دابەشكردنی كارەبا لە زاخۆ، بۆیە ماوەی دوو رۆژ بە بەردەوامی كارەبا دەبێت و تەنها لە دۆخە نەخوازراوەكاندا دەپچڕێت.
ئاماژەشیكردوە، ئەم هەوڵە بۆ رێكخستنی تۆڕەكانی كارەباو نەهێشتنی ئاستنەگەكانی گواستنەوەو دابەشكردنیەتی لە داهاتودا تەواوی زاخۆ دەبێتە خاوەنی پڕۆژەی روناكی.
پێشتر وەزارەتی كارەبا بڵاویكردبوەوە كە دەستدەكەن بە تاقیكردنەوە فشار بۆ سەر تۆڕەكانی كارەباو تاقیكردنەوەكە هەموو هەرێمی كوردستان دەگرێتەوە.