نەوا-
عومەر گوڵپی ئەندامی خولی پێشوی پەرلەمانی كوردستان دەڵێت، لە رۆژی 27/9ـەوە هەمو رۆژێك 50 هەزار بەرمیل نەوت بەناوی پڕكردنەوەی پێداویستی ناوخۆ لە بەنزین و نەوتی ماڵان و گاز لە كۆمپانیای سۆمۆ وەردەگیرێتەوە، تا ئەمڕۆ كۆی ئەو نەوتەی وەرگیراوە گەیشتوەتە 3 ملیۆن و 900 هەزار بەرمیل و چارەنوسی نادیارە.
راشیگەیاندوە، پاساوی دەسەڵات بۆ گلدانەوەی ئەو پەنجا هەزار بەرمیل نەوتەی رۆژانە بریتیبوە لە پڕكردنەوەی پێداویستی ناوخۆ لە بەنزین و نەوت و گاز بەنرخی حكومی گونجاو، بەڵام خەڵك بەنزین و گاز بەنرخی بازرگانی دەكڕێت و نەوتەكەش كە بە 104 هەزار دینار بە خەڵك دەفرۆشرێت.
عومەر گوڵپی داواشی لەوەزارەتی سامانە سروشتییەكان كردوە داهاتی ئەو 50 هەزار بەرمیل نەوتەی رۆژانە دەیپاڵێون بۆ هاوڵاتیان ئاشكرا بكات.