نەوا-
ئەنجومەنی وزاری ئابوریی عیراق لە راگەیەنراوێكدا ئاشكرایكردوە، بڕیاریانداوە لێبڕین لە موچەو دەرماڵەی فەرمانبەرانی عیراق نەكەن.
ئاماژەشیكردوە، وەزارەتی داراییش داوایكردوە لیستی موچە وەك پێشتر پێشكەش بكرێت، هەروەها چاودێری ئەو زانیارییانەش دەكەن كە لە تۆڕە كۆمەڵایەتییەكان بڵاوكراونەتەوە لەبارەی لێبڕینی موچەی فەرمانبەرانەوە.
لەلایەن خۆشیەوە وەزارەتی دارایی عیراق داوای لە هاوڵاتیان و دەزگاكانی راگەیاندن كردوە وردبن لەگواستنەوەی هەواڵەكان و تەنها پشت بە سەرچاوە فەرمییەكان ببەستن.