نەوا-
شادان شیروان حەیدەری بەڕێوەبەری نەخۆشخانەی ئافرەتان و لەدایكبونی هەولێر لەكۆنگرەیەكی رۆژنامەوانیدا رایگەیاند: لەساڵی رابردودا 16 هەزارو 676 منداڵ لە نەخۆشخانەكەمان لەدایكبون.
وتیشی، ژمارەی كوڕ 8 هەزارو 417 منداڵ بوە، لەبەرامبەردا 8 هەزارو 259 كچ لەدایكبون، هەروەها 416 حاڵەتی لەدایكبونی دووانەو 10 حاڵەتی سیانەش تۆمار كراون.
بەڕێوەبەری نەخۆشخانەی ئافرەتانی هەولێر راشیگەیاند، هەر لەساڵی رابردودا نەخۆشخانەكەیان پێشوازی لە 75 هەزارو 607 سەردانیكەر كردوە، هەروەها لەبەشی منداڵە ناكامەكان 7 هەزار و 996 منداڵ خەوێنراون.